Ադրբեջանի նախագահի հատուկ ներկայացուցիչ Էլչին Ամիրբեկովը Հայաստանի հետ խաղաղության պայմանագրի ստորագրման և տարածաշրջանում երկարատև խաղաղության համար առանցքային է համարել Հայաստանի խորհրդարանական ընտրությունների ու Սահմանադրության հանրաքվեի անցկացումը։
Ըստ ադրբեջանական լրատվամիջոցների՝ Ամիրբեկովն այդ մասին խոսել է ապրիլի 30-ին Հռոմում՝ Իտալիայի վարչապետի քաղաքական հարցերով խորհրդականի և իտալացի այլ պաշտոնյաների հետ հանդիպմանը։ Նա Հայաստան-Ադրբեջան հարաբերությունների կարգավորման համատեքստում առանձնացրել է 2025-ի օգոստոսի 8-ին Վաշինգտոնում ձեռք բերված համաձայնությունները։
Ադրբեջանցի պաշտոնյան վերոնշյալ հայտարարություններով է հանդես եկել նաև ապրիլի 22-ին Լոնդոնում՝ Մեծ Բրիտանիայի վարչապետի ազգային անվտանգության հարցերով խորհրդականի տեղակալի և այլ պաշտոնյաների հետ հանդիպմանը։
Մինչև այդ էլ Հայաստան-Ադրբեջան կարգավորման գործընթացին էր անդրադարձել Ադրբեջանի նախագահ Իլհամ Ալիևը, որն այդ գործում առանձնացրել է երկու երկրների քաղհասարակությունների և լրատվամիջոցների ներկայացուցիչների հանդիպումները։
Պատմություններ
