Եվրամիությունը դիտարկում է Հայաստանին 2 միլիարդ եվրո տրամադրելու փաթեթ։ Այս մասին հայտնում է Եվրամիության պաշտոնյան՝ Երևանում մայիսի 4-ին Եվրոպական քաղաքական համայնքի գագաթնաժողովի և մայիսի 5-ին ԵՄ-Հայաստան գագաթնաժողովի մասին զրույցում։
«Կապակցվածության ոլորտում Հայաստանի հետ գործընկերությունը կենտրոնանալու է երեք ուղղության վրա՝ տրանսպորտ, էներգետիկա և թվայնացում։ Սա չի ներառում «Խաղաղության խաչմերուկ» նախաձեռնությունը, սակայն համահունչ է դրա տրամաբանությանը»,- նշում է ՍիվիլՆեթի անանուն աղբյուրը։
Էներգետիկայի ոլորտում նպատակ կա նվազեցնել Հայաստանի կախվածությունը, աջակցել էներգիայի պահեստավորմանը, կապել Հայաստանը հարևան երկրների հետ և նպաստել էներգետիկ անցմանը։ Ըստ պաշտոնյայի՝ ԵՄ-ն ցանկանում է ձևավորել դեպի Հայաստան մասնավոր ներդրումների հոսք։
Եվրամիություն-Հայաստան գագաթնաժողովին առաջնորդները կընդունեն նաև ԵՄ նոր առաքելությանը, որը Հայաստան է ուղարկվում երկու տարով։ Առաքելության փորձագետները կուժեղացնեն կարողությունները և Եվրոպական խաղաղության գործիքի (EPF) միջոցով աջակցություն կցուցաբերեն զինված ուժերին։
Խաղադրույքները բարձր են թե՛ Հայաստանում, թե՛ ողջ տարածաշրջանում։ Մենք բացում ենք համագործակցության նոր փուլեր։ Եվրոպական միությունը կանի ամեն ինչ՝ աջակցելու խաղաղության գործընթացին՝ թե՛ Հայաստանի և Ադրբեջանի միջև, թե՛ Հայաստանի և Թուրքիայի միջև։ ԵՄ-ն սերտ կապի մեջ բոլոր կողմերի հետ»,- նշում են ԵՄ-ից։
Պատմություններ
