Չեխիայի վարչապետ Անդրեյ Բաբիշը չեխական լրատվականին տված հարցազրույցում հայտարարել է, որ մայիսի 3-ին Հայաստանում բանակցություններ կվարի Ուկրաինայի նախագահ Վլադիմիր Զելենսկու հետ։
Բանակցությունների թեման չի հստակեցվում։ Նշվում է միայն, որ Բաբիշը Զելենսկու հետ անձամբ կհանդիպի առաջին անգամ՝ Չեխիայի ներկայիս կառավարության ղեկավարի պաշտոնը ստանձնելուց հետո։
«Այստեղ ես նաև կանցկացնեմ կարճ երկկողմ հանդիպումներ Մեծ Բրիտանիայի վարչապետ Սթարմերի, Սերբիայի վարչապետի և Մոլդովայի նախագահի հետ։ Առաջին անգամ նաև բանակցություններ կվարեմ Ուկրաինայի նախագահ Զելենսկու հետ»,- պատմել է Բաբիշը։
«Կարևոր է, որ մենք հանդիպենք»,- նշել է պաշտոնյան։
Պաշտոնյաները Երևան կժամանեն Եվրոպական քաղաքական համայնքի 8-րդ գագաթնաժողովի շրջանակում, այն կանցկացվի մայիսի 4–ին՝ «Կերտելով ապագան․ միասնություն և կայունություն Եվրոպայում» խորագրով։
Պատմություններ
