Մայիսի 8-ի դրությամբ Հայաստանի ընտրողների ռեգիստրում ընդգրկված ընտրողների ընդհանուր թիվը 2,482,872 է։ Այս մասին հայտնում է Միգրացիայի և քաղաքացիության ծառայությունը։
Նշվում է, որ ըստ գտնվելու վայրի ընտրական տեղամասերում ընդգրկված ընտրողների թիվը՝ 586 է, հաշվառում չունեցող ընտրողների թիվը՝ 16:
««ՀՀ ընտրական օրենսգիրք» սահմանադրական օրենքի 8-րդ հոդվածի 7-րդ մասի համաձայն՝ Ազգային ժողովի ընտրությունների ժամանա քվեարկության օրվանից առաջ 30-րդ, 20-րդ և 10-րդ օրը, բնակչության պետական ռեգիստրը վարող ՀՀ կառավարության կողմից լիազորված պետական կառավարման մարմինը հրապարակում է Հայաստանի Հանրապետության ընտրողների ռեգիստրում ընդգրկված ընտրողների ընդհանուր թիվը նշելով նաև ըստ գտնվելու վայրի ընտրողների, նախընտրած վայրի ընտրողների և հաշվառում չունեցող ընտրողների թիվը» ,- հայտնում են ծառայությունից:
Այսօր՝ մայիսի 8-ին, մեկնարկել է Ազգային ժողովի ընտրությունների քարոզարշավը։ Քարոզարշավը կշարունակվի մինչև հունիսի 5-ը ներառյալ։
Ազգային ժողովի ընտրություններին մասնակցելու հայտ է ներկայացրել 19 քաղաքական ուժ։
Ազգային ժողովի հերթական ընտրությունները տեղի կունենան հունիսի 7-ին:
Պատմություններ
