Նարեկ Կարապետյանը երբեք չի ունեցել ՌԴ քաղաքացիություն․ Գալուզին

Նարեկ Կարապետյանը երբեք չի ունեցել Ռուսաստանի քաղաքացիություն։  Այս մասին հայտարարել է ՌԴ փոխարտգործնախարար Միխայիլ Գալուզինը։

Գալուզինն այս մասին խոսել է Ռուսաստանի կողմից Հայաստանի շահերի դեմ ուղղված գործունեությունների վերաբերյալ հրապարակումների համատեքստում։

«Վերջերս հակառուսական լրատվամիջոցը հրապարակել է իրականության հետ բացարձակապես կապ չունեցող բացահայտ զրպարտություն, որում պնդում է արվում, որ Հայաստանում, Երևանում գտնվող Ռուսաստանի դեսպանատունը, դրա աշխատակիցները և դիվանագիտական ​​անձնակազմը, իբր, զբաղվում են Հայաստանի շահերի դեմ ուղղված ինչ-որ անօրինական գործունեությամբ», - լրագրողներին ասել է փոխարտգործնախարարը Ռուսաստանի Անվտանգության խորհրդի հատուկ աշխատանքային խմբի նիստից հետո։ Գալուզինը նշել է, որ լրատվամիջոցը «սնում է Ռուսաստանի դեմ լրտեսական մոլուցքի արշավ»։

Քննչական կոմիտեն մայիսի 20-ին հայտարարել է, որ «Ուժեղ Հայաստան» դաշինքի առաջին համարով առաջադրված պատգամավորի թեկնածու Նարեկ Կարապետյանը թաքցրել է օտարերկրյա քաղաքացիություն ունենալու կամ ունեցած լինելու մասին տեղեկությունը։ 

Նարեկ Կարապետյանն մայիսի 20-ին մի քանի անգամ հերքել է  Քննչականի հայտարարությունը։

«Գրազ եմ գալիս, երբեք այլ երկրի քաղաքացիություն չեմ ունեցել։ Ընկերության բաժնետեր կարող եմ լինել, բայց կարող եք վստահ լինել, որ երբեք բացի Հայաստանի Հանրապետության քաղաքացիությունից չեմ ունեցել ոչ մի երկրի քաղաքացիություն»,- լրագրողների հետ զրույցում ասել է Կարապետյանը։