Իրանը կենտրոնացած է ԱՄՆ-ի հետ փոխըմբռնման հուշագրի վերջնական մշակման վրա. այս մասին հայտնել է Իրանի արտաքին գործերի նախարարության խոսնակ Էսմայիլ Բաղային։
«Վերջին շաբաթվա ընթացքում կարծիքները մոտեցել են։ Մենք պետք է սպասենք և տեսնենք, թե ինչ կլինի հաջորդ երեք-չորս օրերի ընթացքում»,- ասել է նա։
ԱՄՆ պետքարտուղար Մարկո Ռուբիոն ևս ասում է, որ Թեհրանի և Վաշինգտոնի միջև միջնորդական ջանքերում «որոշակի առաջընթաց» է գրանցվել։
«Որոշակի առաջընթաց է գրանցվել․ նույնիսկ այն պահին, երբ ես հիմա խոսում եմ ձեզ հետ, որոշակի աշխատանք է կատարվում»,- լրագրողներին ասել է Ռուբիո։
«Կա հավանականություն, որ, այսօր ավելի ուշ, վաղը, մի քանի օրից, մենք կարող ենք ասելիք ունենալ»,- հավելել է նա։
․․․
Փետրվարի 28-ին Իսրայելն ու ԱՄՆ-ն լայնածավալ ռազմական հարձակում էր սկսել Իրանի դեմ։ Ապրիլի 8-ին Իրանը երկշաբաթյա հրադադարի համաձայնության է հասել Միացյալ Նահանգների հետ: Առ այսօր հրադադարը շարունակվում է։ Իրանն ու Միացյալ Նահանգները ակտիվ բանակցային փուլում են։ Նրանք միայն վերջին շաբաթում փոխանակել են աշխատանքային մի քանի առաջարկներ։
Պատմություններ
