Գերիների վերադարձը կլինի առաջնահերթություն․ Սամվել Կարապետյան

Գերիների վերադարձը լինելու է առաջնահերթություն։ Այս մասին Կոտայքի մարզի բնակիչների հետ հանդիպման ժամանակ հայտարարել է «Ուժեղ Հայաստան» կուսակցության առաջնորդ Սամվել Կարապետյանը։

«Խայտառակություն է, որ ամբողջ աշխարհը տեսնում է մեր ընկերներին՝ մեր նույն ուժեղ ընկերներին, անմխիթար վիճակում։ Ամբողջ աշխարհը ծիծաղում է մեզ վրա, որովհետև ես արդեն կասկած ունեմ, որ մեր իշխանություններն օգնել են, որ նրանք այդտեղ հայտնվեն. վտանգ են տեսել նրանցից»,- հայտարարել է Կարապետյանը։

Կուսակցության առաջնորդը նաև քննադատել է իշխանությունների գործողությունները՝ անդրադառնալով ձերբակալություններին և կալանավորումներին։

«Միակ բանը, որ սրանց գլխի մեջ կա՝ ինչքան մարդ ձերբակալեն, կալանավորեն։ Ուրիշ բանից չեն հասկանում։ Մեկ էլ սիրուն գրդոն անեն։ Համակարգային գրդոն է էս երկիրը, մենք շուտով ձեզ ցույց կտանք՝ որտեղ ինչ են կերել։ Ձևը գտել են՝ տարիներով մարդկանց ոնց շանտաժի ենթարկեն, ոնց վախեցնեն։ Նախընտրական փուլ է, բայց երկիրն անտերության ա մատնված։ Երկու-երեք ամիս էս մարդը թմբուկ է նվագում»,- ասել է Կարապետյանը։