«Մարտի 1»-ի գործով հանրային քրեական հետապնդում է հարուցվել 4 բանակային կորպուսների նախկին հրամանատարների նկատմամբ

2008-ի մարտի 1-2-ի իրադարձությունների վերաբերյալ քրեական վարույթով դատախազը հունիսի 1-ին հանրային քրեական հետապնդում է հարուցել ՀՀ զինված ուժերի չորս բանակային կորպուսների նախկին հրամանատարների՝ Պ.Պ.-ի, Վ.Գ.-ի, Հ.Բ.-ի և Լ.Ե.-ի նկատմամբ: Այս մասին հայտնում են Գլխավոր դատախազությունից։

Ըստ Հակակոռուպցիոն կոմիտեում քննվող գործի տվյալների՝ նրանք կասկածվում են ակնհայտ ապօրինի հրաման կատարելու միջոցով պաշտպանության նախկին նախարար Միքայել Հարությունյանի և բարձրաստիճան այլ պաշտոնյաների, այդ թվում՝ Ռոբերտ Քոչարյանի, Սեյրան Օհանյանիի և Յուուրի Խաչատուրովի կողմից պաշտոնեական լիազորություններն անցնելուն օժանդակելու մեջ, որն առաջացրել է ծանր հետևանքներ: