«Մայր Հայաստան»-ի դեպքով քրեական վարույթ է նախաձեռնվել պատմության կամ մշակույթի հուշարձաններ ոչնչացնելու կամ վնասելու հատկանիշներով։
Քննչական կոմիտեն հայտնում է, որ այս պահին որևէ անձ ձերբակալված չէ։
Ավելի վաղ Գյումրու համայնքապետարանը հայտնել էր, որ անհայտ անձինք «Մայր Հայաստան» հուշարձանից պոկել են հերոս քաղաքների անունների ոսկեզօծ տառերը: Քաղաքի կոմունալ ծառայությունների աշխատակիցները գտել էին դրանք հուշարձանի տարածքում գտնվող աղբամաններում։
Հայաստանում Ռուսաստանի դեսպանատունը վրդովմունք էր հայտնել Գյումրիում «Մայր Հայաստան» հուշարձանի պղծման կապակցությամբ:
«Այս սրբապիղծ արարքը չի կարող դիտարկվել որպես սովորական «խուլիգանություն»։ Խոսքը մեր ընդհանուր պատմական հիշողության վրա միտումնավոր հարձակման և Մեծ հաղթանակն անարգելու փորձի մասին է»,- նշել էր դեսպանատունը՝ ակնկալելով, որ Հայաստանի իշխանությունը միջադեպի մասին հստակ գնահատական կտա։
Պատմություններ
