Շվեյցարիայի Բյուրգենշտոկ քաղաքում ավարտվել է Միացյալ Նահանգների և Իրանի միջև բանակցությունների առաջին փուլը, հայտնում է Reuters-ը:
Բանակցությունները տևել են 1 ժամ 20 րոպե։
Բանակցություններին որպես միջնորդ կողմեր մասնակցել են նաև Պակիստանի և Կատարի ներկայացուցիչները:
Հունիսի 18-ի գիշերը Իրանն ու ԱՄՆ-ը հեռավար կարգով ստորագրել են հուշագիր, որը նախատեսում է փետրվարի 28-ին սկսված հակամարտության ավարտ:
Ստորագրված փաստաթուղթը իրավական հիմք է հանդիսանում հետագա քայլերի համար՝ հստակ սահմանելով այն ժամկետները, որոնց ընթացքում Վաշինգտոնը պետք է վերացնի ծովային շրջափակումը, իսկ Թեհրանը՝ վերականգնի բնականոն նավագնացությունը Հորմուզի նեղուցում:
Չնայած կայացած տեխնիկական հանդիպմանը և հակամարտության կարգավորմանն ուղղված իրավական քայլերին, կողմերի միջև քաղաքական տարաձայնություններն ու լարվածությունը պահպանվում են նաև արարողակարգային մակարդակում:
Իրանական Tasnim գործակալության փոխանցմամբ՝ Իրանի պատվիրակության անդամները հանդիպման ընթացքում հրաժարվել են ձեռքսեղմումներից և համատեղ լուսանկարվելու արարողությունից, ինչը վկայում է գործընթացի բացառապես աշխատանքային և խիստ պաշտոնական բնույթի մասին:
Պատմություններ
