Բրյուսելում քննարկվել են հայկական արտադրանքի արտահանման հնարավորությունների ընդլայնման հարցեր

«Կապակցվածության օրակարգի հարթակի» մեկնարկի շրջանակում ՀՀ ԱԳ նախարարի տեղակալ Վահան Կոստանյանը հանդիպումներ է ունեցել Եվրոպական հանձնաժողովի նախագահի գլխավոր դիվանագիտական խորհրդական Սայմոն Մորդյուի և Եվրոպական հանձնաժողովի շարժունակության և տրանսպորտի գլխավոր տնօրինության գլխավոր տնօրենի տեղակալ Մայա Բաքրանի հետ։ Հայտնում են ԱԳՆ-ից։

ԱԳՆ-ի հաղորդմամբ՝ Սայմոն Մորդյուի հետ հանդիպմանը քննարկվել են առևտրատնտեսական սահմանափակումների պայմաններում հայկական արտադրանքի արտահանման հնարավորությունների ընդլայնմանն ուղղված քայլերը, ինչպես նաև ԵՄ-ի կողմից Հայաստանին տրամադրված բյուջետային աջակցության նշանակությունը։

Քննարկվել են նաև հայկական ավիափոխադրողներին Եվրոպական միության օդային անվտանգության ցանկից դուրս բերելու գործընթացին վերաբերող հարցեր։