Հունիսի 24-ի երեկոյան Վենեսուելայում հզոր երկրաշարժ է եղել՝ երկու հզոր ստորգետնյա ցնցումով՝ 7,2 և 7,5 մագնիտուդով։ Հնարավոր զոհերի թիվը կարող է կազմել 10 հազարից մինչև 100 հազար, հայտնում է BBC-ն։
Երկրի նախագահի պաշտոնակատար Դելսի Ռոդրիգեսը հայտարարել է համապետական արտակարգ դրություն մտցնելու և Կարակասի միջազգային օդանավակայանը փակելու մասին: ԱՄՆ Երկրաբանական ծառայության (USGS) տվյալներով՝ առաջին ցնցումը գրանցվել է տեղական ժամանակով ժամը 18:04-ին, իսկ երկրորդը՝ դրանից մեկ րոպե էլ չանցած:
ԱՄՆ Երկրաբանական ծառայությունը նշել է, որ աղետը, ամենայն հավանականությամբ, կրում է լայնածավալ բնույթ, և հավանական են մեծաթիվ զոհեր ու մասշտաբային ավերածություններ: Այս պահի դրությամբ պաշտոնական աղբյուրները հայտնում են, որ մայրաքաղաք Կարակասում փլուզվել են որոշ շենքեր, ինչի հետևանքով զոհվել է 32 մարդ, և վնասվածքներ է ստացել ավելի քան 700-ը:
Ստորգետնյա ցնցումների պահին վենեսուելացիների մեծ մասը գտնվել է տանը, քանի որ այդ օրը երկրում տոնվում էր Կարաբոբոյի ճակատամարտի տարեդարձը, երբ 1821-ին Սիմոն Բոլիվարի բանակը հաղթեց իսպանական զորքերին և ապահովեց Վենեսուելայի անկախությունը:
Պատմություններ
