Վարչապետ Նիկոլ Փաշինյանը Երևանի քաղաքապետ Տիգրան Ավինյանի, ԿԳՄՍ նախարար Ժաննա Անդրեասյանի և Քաղաքաշինության կոմիտեի նախագահ Եղիազար Վարդանյանի ուղեկցությամբ ծանոթացել է Կիևյան կամրջի հիմնանորոգման աշխատանքների ընթացքին։ Այս մասին հայտնում են կառավարությունից։
Հաղորդագրության համաձայն՝ ծրագրի պատասխանատուները ներկայացրել են իրականացվող աշխատանքները՝ նշելով, որ ընթացքի մեջ են կամրջի երթևեկելի և հետիոտնային հատվածների վերականգնման, դեֆորմացիոն կարերի և ջրահեռացման համակարգի նորացման, ինչպես նաև ջրամեկուսացման աշխատանքները։ Վերականգնվում են նաև կամրջի թռիչքային կառուցվածքներն ու հենարանները։
Ծրագրի իրականացման նպատակով Երևանի համայնքային բյուջեից հատկացվել է 456 մլն դրամ։ Կամուրջը փակ է հունիսի 17-ից, երթևեկելի մասի հիմնանորոգման աշխատանքներն ավարտելու ժամկետը նախատեսված է օգոստոսի 29-ը։
Պատմություններ
