ՍԴ-ն շարունակում է քննել յոթ քաղաքական ուժերի դիմումները՝ ընտրությունների արդյունքների վիճարկման վերաբերյալ

Սահմանադրական դատարանում այսօր՝ հունիսի 29-ին, շարունակվել է յոթ քաղաքական ուժերի դիմումների հիման վրա ընտրությունների արդյունքների վիճարկման գործի քննությունը: Զեկուցող դատավոր Էդգար Շաթիրյանը հարցեր ուղղեց «Հայաստան» դաշինքի ներկայացուցիչ Արծվիկ Մինասյանին՝ փորձելով պարզել, թե ինչու է 2005 ընտրական տեղամասերից վերահաշվարկի պահանջ ներկայացվել միայն շուրջ 10-30 տեղամասի մասով և ինչու չեն եղել տեղամասային արդյունքներն անվավեր ճանաչելու բազմաթիվ դիմումներ:

«Ինչո՞ւ այդքան շատ բողոքներ, այդքան շատ վերահաշվարկի պահանջներ տեղամասերի մասով չեն ներկայացվել։ Որովհետև խախտման էությունը շատ ավելի գլոբալ է, մասշտաբային և համակարգված»,- ասաց Արծվիկ Մինասյան։

Դատավոր Շաթիրյանը հղում արեց Կենտրոնակական ընտրական հանձնաժողովի թիվ 258-Ա որոշմանը, ըստ որի՝ Հայաստանի 38 ընտրատարածքային հանձնաժողովներից և ոչ մեկում չի ստացվել կոնկրետ տեղամասում քվեարկության արդյունքներն անվավեր ճանաչելու դիմում: Արծվիկ Մինասյանը հաստատեց, որ իրենք առարկություն չունեն այդ փաստի վերաբերյալ, քանի որ իրենց պահանջի կենտրոնում այն պնդումն է, որ իշխող քաղաքական ուժը ողջ պետական համակարգը ծառայեցրել է իր շահերին: Նա հավելեց, որ դաշինքը կենտրոնացել է ոչ թե տեղամասային փոքր անճշտությունների, այլ ոչ պատշաճ թվային մուտքագրումների և այնպիսի խախտումների վրա, որոնք Սահմանադրական դատարանի համար կարող են էական նշանակություն ունենալ:

Դատարանն աշխատում է արտակարգ ռեժիմով և վերջնական որոշումը պետք է հրապարակվի մինչև հուլիսի 4-ը։

***

ՍԴ-ն հունիսի 26-ից բանավոր ընթացակարգով քննում է ԱԺ ընտրությունների արդյունքները բողոքարկող յոթ քաղաքական ուժերի դիմումները:

Հունիսի 7-ին ԱԺ ընտրությունների արդյունքներով խորհդարան են անցնում երեք ուժ՝ «Քաղաքացիական խայմանագիրը», «Ուժեղ Հայաստան» և «Հայաստան» դաշինքները։ «Բարգավաճ Հայաստան» կուսակցությունը շատ մոտ էր անցողիկ շեմին, սակայն վերահաշվարկի ընթացքում ԿԸՀ-ն չեղյալ համարեց երեք ընտրատեղամասի արդյունքները, որի արդյունքում ԲՀԿ-ն կորցրեց 213 քվե։ Ընտրական օրենսգրքի փորձագետները նշում են, որ ԿԸՀ-ի՝ այդ տեղամասերում վերաքվեարկություն չնշանակելու որոշումն իրավաչափ չէր։