Ավարտվել է Մ-2 միջպետական ավտոճանապարհը, Հ-8 ճանապարհն ու Նորագավիթի 1-ին փողոցը կապող նոր հանգույցի շինարարության մրցույթը, որի նախնական արժեքը կազմում է շուրջ 1,3 մլրդ դրամ: 2026-ին ֆինանսավորման ապահովումից հետո կմեկնարկեն շինարարական աշխատանքները, հայտնում են Երևանի կառուցապատման ներդրումային ԾԻԳ-ից։
Ծրագրի շրջանակում նախատեսվում է՝ կառուցել 51,6 մետր երկարությամբ ուղեանց, կառուցել հետիոտնային անցում, կառուցել 460 մետր երկարությամբ նոր ճանապարհ։
Կառույցից նշում են, որ ծրագրի իրականացումը կբարելավի նշված ճանապարհների միջև տրանսպորտային կապը, կնվազեցնի երթևեկության խցանումները, կավելացնի ճանապարհի թողունակությունը և կբարձրացնի ճանապարհային անվտանգությունը։
Շինարարական աշխատանքների մրցույթն արդեն ավարտվել է, ընտրվել է հաղթող կազմակերպությունը, իսկ պայմանագիրը գտնվում է օրենքով նախատեսված 10-օրյա անգործության ժամկետում՝ կնքման փուլից առաջ։
Տեխնիկական հսկողության ծառայությունների պայմանագիրն արդեն կնքված է։
Պատմություններ
