Քննարկվել է ՀՀ-ԵՄ վիզաների ազատականացման գործընթացը. ՆԳՆ

Վիզաների ազատականացման երկխոսությունն ակտիվ փուլում է։ Այս մասին հատյնել է ՆԳ նախարար Արփինե Սարգսյանը հուլիսի 7-ին տեղի ունեցած հասարակական խորհրդի հերթական նիստի ժամանակ։

Նախարարի խոսքով՝ Եվրոպական հանձնաժողովը դրական է գնահատել Հայաստանի արձանագրած առաջընթացը, մասնավորապես՝ կենսաչափական համակարգերի, սահմանների կառավարման, միգրացիայի և ապաստանի ոլորտներում։

Սարգսյանը շեշտել է, որ վիզաների ազատականացումը պետք է դիտարկել ոչ միայն որպես առանց վիզայի տեղաշարժի հնարավորություն, այլև որպես պետական կառավարման համակարգի որակական բարեփոխումների կարևոր գործիք։ Նա նաև հայտնել է, որ նախատեսվում է՝ կենսաչափական համակարգը Հայաստանում ամբողջությամբ գործարկվի 2026 թվականի աշնանը։