Հայաստանին է փոխանցվել ԵՄ-ի տրամադրած երկու ականազերծման մեքենաներից առաջինը

Հայաստանին է փոխանցվել Եվրոպական միության կողմից տրամադրված երկու ականազերծման մեքենաներից առաջինը։ Այս մասին հայտնում է կառավարությունը։

Հուլիսի 8-ին Կառավարությունը հայտնեց, որ Եվրամիության աջակցությամբ Հայաստան է ներկրվել հեռակառավարվող ականազերծման հատուկ երկու մեքենա, որոնք կիրառվելու են հանրապետության վտանգավոր վայրերում մարդասիրական ականազերծման աշխատանքների համար։  

Կառավարության տեղեկացմամբ՝ մեքենան հանձնվել է հուլիսի 8-ին Երևանում կայացած պաշտոնական արարողության ընթացքում և նպատակ ունի ամրապնդել Հայաստանի կարողությունները՝ հակամարտությունից տուժած տարածքներն ականներից և պատերազմի մնացորդային պայթուցիկ նյութերից մաքրելու գործում։