Վենեսուելայում հունիսի 24-ին տեղի ունեցած երկու հզոր երկրաշարժերի հետևանքով զոհերի թիվը հասել է 4 333-ի։ Այս մասին հայտնում է Վենեսուելայի խորհրդարանի նախագահ Խորխե Ռոդրիգեսը։
Պաշտոնյայի խոսքով՝ զոհերից 315-ի ինքնությունը դեռևս չի հաջողվել պարզել։ Վիրավորների պաշտոնական թիվը մնացել է անփոփոխ՝ 16 740 մարդ։ Փրկարարներին հաջողվել է փրկել 6 462 մարդու, իսկ մոտ 17 000 մարդ մնացել է անօթևան։
Ռոդրիգեսը հայտնել է, որ նախագահի ժամանակավոր պաշտոնակատար Դելսի Ռոդրիգեսը հաջորդ շաբաթ տուժածներին կհատկացնի առաջին 200 բնակարանը, սակայն ծրագրի մանրամասներ չի ներկայացրել։
Նրա փոխանցմամբ՝ երկրաշարժերից վնասվել է 856 շենք, որոնցից 190-ը կամ ամբողջությամբ փլուզվել են, կամ ստացել են կառուցվածքային ծանր վնասվածքներ։
ԱՄՆ Երկրաբանական ծառայության (USGS) տվյալներով՝ առաջին՝ 7.2 մագնիտուդով երկրաշարժը գրանցվել է տեղական ժամանակով 18:04-ին, իսկ մոտ 40 վայրկյան անց տեղի է ունեցել երկրորդ՝ 7.5 մագնիտուդով ցնցումը։ Էպիկենտրոնը գտնվել է Վենեսուելայի հյուսիսային ափի մոտ։
Պատմություններ
