TRIPP-ի համաձայնագիրը վավերացնելու մասին օրենքի նախագիծն ընդգրկված է կառավարության՝ հուլիսի 16-ի չզեկուցվող հարցերի օրակարգում։
Նախագծով առաջարկվում է հավանություն տալ համաձայնագիրը վավերացնելու մասին օրենքի նախագծին։
Որոշվել է դիմել Սահմանադրական դատարան՝ դրա համապատասխանությունը Սահմանադրությանը ստուգելու համար, որից հետո միայն այն կներկայացվի Ազգային ժողով։
Սահմանադրական դատարանում կառավարության ներկայացուցիչ է նշանակվել արտաքին գործերի նախարարի տեղակալ Վահան Կոստանյանը:
Նախագծի հիմնավորման մեջ նշվում է, որ վավերացման արդյունքում կապահովվեն բոլոր անհրաժեշտ իրավական ընթացակարգերը, որպեսզի ռազմավարական համագործակցության համաձայնագիրը պաշտոնապես ուժի մեջ մտնի:
Հունիսի 1-ին Վաշինգտոնում և հունիսի 4-ին Երևանում ստորագրվել է Հայաստանի Հանրապետության և Ամերիկայի Միացյալ Նահանգների միջև «Թրամփի ուղի՝ հանուն միջազգային խաղաղության և բարգավաճման» նախագծի (TRIPP) վերաբերյալ ռազմավարական համագործակցության մասին շրջանակային համաձայնագիրը:
2025-ի օգոստոսի 8-ին Վաշինգտոնում Հայաստանի վարչապետ Նիկոլ Փաշինյանը, Ադրբեջանի նախագահ Իլհամ Ալիևը և ԱՄՆ նախագահ Դոնալդ Թրամփը ստորագրել են համատեղ հռչակագիր։ Հռչակագրով հաստատվել է TRIPP նախագիծը՝ որպես տարածաշրջանային ենթակառուցվածքային ծրագիր։
Պատմություններ
