Արտգործնախարար Արարատ Միրզոյանն ու Իրանի ԱԳ նախարարի տնտեսական դիվանագիտության հարցերով տեղակալ Համիդ Ղանբարին հուլիսի 30-ին Երևանում քննարկել են Հայաստանի և Իրանի միջև ռազմավարական բնույթ կրող հարաբերությունները, հայտնում են ԱԳՆ մամուլի ծառայությունից:
«Զրուցակիցներն անդրադարձ են կատարել Հայաստանի և Իրանի միջև ռազմավարական բնույթ կրող հարաբերություններում հատկապես ենթակառուցվածքային, այդ թվում՝ էներգետիկայի և տրանսպորտի ոլորտներում ծրագրերին: Ընդգծվել է փոխկապակցվածության նոր նախագծերի իրականացմամբ ընձեռնվող հնարավորությունների կարևորությունը»,- ասված է ԱԳՆ հաղորդագրության մեջ:
Անդրադարձ է կատարվել տարածաշրջանային զարգացումներին: Նախարար Միրզոյանն ընդգծել է, որ Հայաստանն ուշադրությամբ հետևում է ստեղծված իրավիճակին՝ կարևորելով խաղաղության հաստատումն ու առկա խնդիրների կարգավորմանն ուղղված ջանքերը:
Նախարարի տեղակալ Վահան Կոստանյանի հետ քննարկմանն անդրադարձ է կատարվել Հայաստան-Իրան օրակարգային հարցերի ու ընթացիկ աշխատանքներին:
Մտքեր են փոխանակվել հետաքրքրություն ներկայացնող այլ հարցերի շուրջ:
Պատմություններ
