Երևանի Կենտրոն վարչական շրջանի Պապ Թագավորի փողոցում (նախկին՝ Ամիրյան փողոց) տեղի ունեցած ՀԷՑ-ի բաշխման ցանցի մալուխագծի վթարի իրական պատճառները պարզելու նպատակով կիրականացվի ներքին հետաքննություն։ Այս մասին ֆեյսբուքյան գրառմամբ ասել է ՀԷՑ-ի ժամանակավոր կառավարիչ Ռոմանոս Պետրոսյանը։
Ստորգետնյա մալուխագծի վթարը տեղի է ունեցել հուլիսի 31-ին։ Դեպքի պահին փողոցում քաղաքացիներ էին գտնվում։ Մալուխի պայթյունի հետևանքով տարածքում ժամանակավորապես խափանվել էր էլեկտրամատակարարումը։
«Այն է՝ սպառման բեռի կտրուկ բարձրացումից զատ, նաև օգտագործված մալուխի և իրականացված աշխատանքի որակի, օգտագործված կցորդիչի որակի, ինչպես նաև ՏԻՄ կոմունալ ծառայությունների կամ այլ շինարարական աշխատանքների կատարման ընթացքում հնարավոր ֆիզիկական ներգործության հավանականությունն ու դրանց հնարավոր ազդեցությունը վթարի առաջացման վրա, կիրականացվի ներքին հետաքննություն»,- գրել է Պետրոսյանը։
Նա հավելել է, որ ներգրավվել է նաև ՆԳՆ Փրկարար ծառայությունը։
Պատմություններ
