Հանրապետության շրջանների մեծ մասում անձրևներ են սպասվում

Հանրապետության տարածքում` օգոստոսի 11-15-ի գիշերը և կեսօրից հետո շրջանների մեծ մասում սպասվում է կարճատև անձրև և ամպրոպ, 11-ին առանձին վայրերում անձրևները կլինեն հորդառատ, հնարավոր է կարկուտ, հայտնում են ՀՀ ՇՄՆ Հիդրոօդերևութաբանության և մոնիտորինգի կենտրոնից։

Քամին հյուսիսարևելյան և արևելյան 4-7 մ/վ, ամպրոպի ժամանակ սպասվում է քամու ուժգնացում՝ 20-25 մ/վ։ Օգոստոսի 11-15-ն Արմավիրի մարզում, Արագածոտնի և Կոտայքի նախալեռներում, Շիրակի մարզի առանձին հատվածներում երեկոյան ժամերին սպասվում է քամու ուժգնացում՝ 17-20 մ/վ արագությամբ։

Օդի ջերմաստիճանն օգոստոսի 11-ի ցերեկային ժամերին կնվազի 4-6 աստիճանով։