ԱԽ քարտուղարի պաշտոնում Արմեն Գրիգորյանին կփոխարինի Ալեն Սիմոնյանը

Արմեն Գրիգորյանն ազատվել է Անվտանգության խորհրդի քարտուղարի պաշտոնից։ Այս մասին կառավարության նիստին հայտնել է վարչապետ Նիկոլ Փաշինյանը։

Վարչապետի որոշմամբ Անվտանգության խորհրդի քարտուղար է նշանակվել Ալեն Սիմոնյանը։

«Անվտանգության խորհրդի քարտուղար Արմեն Գրիգորյանն այդ կարգավիճակով վերջին անգամ է մասնակցում Կառավարության նիստին, որովհետև ես որոշում եմ կայացրել իրականացնել Անվտանգության խորհրդի քարտուղարի փոփոխություն», - ասել է վարչապետը։

«Շնորհակալություն, պարոն վարչապետ, ջերմ խոսքերի, վստահության և համատեղ աշխատանքի համար։ Այս ամբողջ ժամանակահատվածի աշխատանքի համար ուզում եմ շնորհակալություն հայտնել բոլոր գործընկերներին։ Շնորհակալություն բոլորին, մեծ պատիվ էր ծառայել ՀՀ-ին»,- ասել է Արմեն Գրիգորյանը։

***

Արմեն Գրիգորյանը Անվտանգության խորհրդի քարտուղար էր նշանակվել 2018-ի մայիսի 17-ին։ Նա «Քաղաքացիական պայմանագիր» կուսակցության անդամ էր և թավշյա հեղափոխությունից հետո ղեկավարում էր Անվտանգության խորհրդը շուրջ 8 տարի։  

Ալեն Սիմոնյանը Ազգային ժողովի 8-րդ գումարման խորհրդարանի նախագահ է ընտրվել 2021-ի օգոստոսի 2-ից։ Մինչ ԱԺ նախագահի պաշտոնը՝ 2019-ին զբաղեցրել է 7-րդ գումարման ԱԺ-ի փոխնախագահի պաշտոնը։

2026-i հուլիսի 2-ին Ալեն Սիմոնյանը հայտարարել է, որ հրաժարվում է 2026-ի խորհրդարանական ընտրությունների արդյունքում ստացած պատգամավորական մանդատից։

Սիմոնյանը Քաղաքացիական պայմանագիր կուսակցության վարչության անդամ է։