Ստեփանավանում այրվել է տնակ, կա զոհ․ ՆԳՆ
Ստեփանավանում վագոն-տնակի հրդեհի հետևանքով մեկ մարդ է մահացել։ Այս մասին հայտնում է ՆԳՆ փրկարար ծառայությունը։
Օգոստոսի 22-ին՝ ժամը 22։48-ին, ահազանգ է ստացվել, որ քաղաքի Աշոտաբերդ թաղամասում բնակելի տնակ է այրվում։ Պարզվել է, որ հրդեհը բռնկվել է Բաղրամյան փողոցում գտնվող վագոն-տնակում։
Փրկարարները ներսից դուրս են բերել քաղաքացուն և մոտեցրել շտապօգնությանը։ Բուժաշխատողներն արձանագրել են նրա մահը։
Հրդեհը մեկուսացվել է ժամը 23։22-ին, մարվել՝ օգոստոսի 23-ին՝ ժամը 00։02-ին։ Այրվել է վագոն-տնակի մոտ 15 քմ հատվածը։
Կազմակերպություն
Տեղադրություն
Պատմություններ
