ՊԵԿ նախկին նախագահ Գագիկ Խաչատրյանը ձերբակալվել է, ներկայացվել է կալանքի միջնորդություն․ ՔԿ

Պետական եկամուտների կոմիտեի նախկին նախագահ Գագիկ Խաչարյանը ձերբակալվել է։ Միջնորդություն է ներկայացվել դատարան՝ կալանավորելու համար: Այս մասին հայտնում է Քննչական կոմիտեն:

Կոմիտեից հայտնում են, որ առանձնապես խոշոր չափերով կաշառք ստանալու և խոշոր չափերով փողերի լվացման դեպքերի առթիվ նախաձեռնված քրեական վարույթի շրջանակում անհետաձգելի քննչական և վարութային գործողություններ են իրականացվել Գագիկ Խաչատրյանի և նրա որդու բնակարաններում:

Խուզարկություններ իրականացվել են նաև նրանց հետ փոխկապակցված շուրջ 21 ընկերության գրասենյակներում և մասնաճյուղերում։

Հունիսին հայտնի դարձավ, որ պաշտոնեական լիազորությունները չարաշահելու գործի շրջանակում ՔԿ-ն միջնորդություն էր ներկայացրել Գագիկ Խաչատրյանին կալանավորելու համար: Հակակոռուպցիոն դատարանն այդ միջնորդությունը մերժել էր: