Արարատ Միրզոյանն աշխատանքային այցով կմեկնի Ռիգա

Սեպտեմբերի 6-ից 7-ը ՀՀ արտաքին գործերի և միջազգային առևտրի նախարար Արարատ Միրզոյանն աշխատանքային այցով կգտնվի Ռիգայում։ Այս մասին հայտնել է ԱԳՆ խոսնակը։

Սեպտեմբերի 7-ին նախատեսված է Միրզոյանի հանդիպումը Լատվիայի արտաքին գործերի նախարար Բայբա Բրաժեի հետ։ Հանդիպումից հետո նախարարները հանդես կգան մամուլի համար հայտարարություններով։

Այցի շրջանակում նախատեսված են նաև այլ բարձրաստիճան հանդիպումներ և քննարկումներ։

Օրակարգում են Հայաստան-Լատվիա երկկողմ հարաբերություններին, այդ թվում՝ առևտրատնտեսական համագործակցության հետագա զարգացմանը, ինչպես նաև Հայաստան-Եվրամիություն գործընկերության խորացմանն առնչվող հարցեր։