ԱՄՆ պետքարտուղարությունը հավանություն է տվել Ուկրաինային ՀՕՊ միջոցների վաճառքին

ԱՄՆ Պետդեպարտամենտը հավանություն է տվել Ուկրաինային մոտ 2,7 մլրդ դոլարի հակաօդային պաշտպանության միջոցների հնարավոր վաճառքին։ Այս մասին ասվում է գերատեսչության՝ Կոնգրեսին ուղղված ծանուցման մեջ։

Համաձայնագիրը նախատեսում է հակաօդային պաշտպանության զարգացման և արդիականացման միջոցների, ինչպես նաև հարակից սարքավորումների և ծառայությունների գնում։

Գործարքի կնքման դեպքում Ուկրաինան այն կֆինանսավորի եվրոպական երկրների ներդրումների և ԱՄՆ «Օտարերկրյա ռազմական ֆինանսավորում» (FMF) ծրագրի միջոցների հաշվին, որոնք հատկացվել են նախորդ՝ Ջո Բայդենի վարչակազմի օրոք։ 

Նախկինում ևս ԱՄՆ-ն հաստատել է Ուկրաինայի հակաօդային պաշտպանության, այդ թվում՝ Patriot համակարգերի պահպանման և արդիականացման համար նախատեսված ռազմական վաճառքներ։