Արեգնազ Մանուկյանի խափանման միջոցը փոխվեց տնային կալանքի

«Մայր Հայաստան» կուսակցության վարչության անդամ Արեգնազ Մանուկյանի խափանման միջոցը փոխվեց 3 ամսով տնային կալանքի: Այս մասին դատական նիստից հետո լրագրողներին հայտնել է փոստաբան Տաթևիկ Սողոյանը։

Չնայած խափանման միջոցի փոփոխմանը՝ դատարանը վերականգնել է շփման սահմանափակումները՝ մասնավորապես արգելելով տեսակցություններն ու հաղորդակցությունը պատգամավորների և այլ անձանց հետ։ Մանուկյանը տուն է տեղափոխվելու ոստիկանական ուղեկցությամբ, իսկ գործով հաջորդ դատական նիստը նշանակվել է հոկտեմբերի 9-ին։

Արեգնազ Մանուկյանը կալանավորվել էր հուլիսին, նրա նկատմամբ հանրային քրեական հետապնդում է հարուցվել պետական գաղտնիք պարունակող տեղեկություններ հրապարակելու հոդվածով։

Պաշտպանության կողմը պատրաստվում է բողոքարկել այս որոշումը՝ պահանջելով անհապաղ ազատ արձակում և խափանման միջոցի ամբողջական վերացում։ Փաստաբան Սողոյանի պնդմամբ՝ առաջադրվածը միջին ծանրության մեղադրանք է, և Մանուկյանն անազատության մեջ արդեն իսկ կրել է այն պատժաչափը, որը կարող էր սահմանվել նման արարքի համար, ընդ որում՝ Սահմանադրական դատարանի որոշմամբ տնային կալանքն իր ինտենսիվությամբ հավասարազոր է բանտային կալանքին։