Վուչիչը հեռացել է Սերբիայի նախագահի պաշտոնից՝ վարչապետ դառնալու համար

Սերբիայի նախագահ Ալեքսանդր Վուչիչը սեպտեմբերի 27-ին հրաժարական է տվել՝ հոկտեմբերի 25-ին սպասվող արտահերթ խորհրդարանական ընտրություններին մասնակցելու և վարչապետի պաշտոնում առաջադրվելու համար։

Վուչիչը Սերբիայի նախագահի պաշտոնն ստանձնել էր 2017-ի մայիսի 31-ին և վերընտրվել 2022-ի ապրիլին, իսկ նրա նախագահական լիազորությունների երկրորդ ժամկետը լրանալու էր 2027-ի կեսերին: Երկրի Սահմանադրության համաձայն՝ միևնույն անձը չի կարող զբաղեցնել պետության ղեկավարի պաշտոնը երկու ժամկետից ավելի:

Պաշտոնից հեռանալու իր մտադրության մասին նա ազդարարել էր դեռևս 2025-ի օգոստոսին, թեև այն ժամանակ այդ որոշումը չէր կապում վարչապետի պաշտոնին հավակնելու ծրագրերի հետ:

Սեպտեմբերի սկզբին Վուչիչը հայտարարել էր միապալատ խորհրդարանի՝ Ժողովրդական սկուպշչինայի արձակման և հոկտեմբերի 25-ին արտահերթ ընտրություններ նշանակելու մասին: Միևնույն ժամանակ իշխող Սերբական առաջադիմական կուսակցության (SNS) գլխավոր կոմիտեն հաստատել էր, որ «Միավորված Սերբիա» ընտրական ցուցակը գլխավորելու է Վուչիչը, ով էլ հաղթանակի դեպքում կդառնա վարչապետի թեկնածուն:

Սահմանադրական ընթացակարգի համաձայն՝ Սերբիայի նախագահի պաշտոնակատար կդառնա Ժողովրդական սկուպշչինայի նախագահ Անա Բրնաբիչը: