Ձերբակալվել է Վահրամ Սահակյանը

Ատելություն պարունակող ֆեյսբուքյան գրառում կատարելու մեղադրանքով ձերբակալվել է թատերագետ, կինոռեժիսոր Վահրամ Սահակյանը, հայտնում են Քննչական կոմիտեից։

Կոմիտեից հայտնում են, որ 2025-ի հունվարի 8-ին Վահրամ Սահակյանը, օգտագործելով տեղեկատվական և հաղորդակցական տեխնոլոգիաները, ֆեյսբուքյան իր էջում կատարել է ատելություն, անհանդուրժողականություն, թշնամանք հրահրելու և քարոզելու վերաբերյալ հրապարակում:

2026-ի սեպտեմբերի 1-ին ստացված փորձաքննության եզրակացությամբ հաստատվել է, որ Վահրամ Սահակյանի հրապարակումը պարունակում է ատելություն:

Սեպտեմբերի 29-ին Վահրամ Սահակյանի նկատմամբ հսկող դատախազի որոշմամբ հարուցվել է հանրային քրեական հետապնդում՝ ատելություն, անհանդուրժողականություն կամ թշնամանք հրահրելուն կամ քարոզելուն ուղղված հրապարակային խոսքի, ինչպես նաև այդ նպատակով նյութեր կամ առարկաներ տարածելու՝ հրապարակայնորեն ցուցադրվող ստեղծագործությունների, զանգվածային լրատվության միջոցների կամ տեղեկատվական կամ հաղորդակցական տեխնոլոգիաների օգտագործման մեղադրանքով:

Քրեական վարույթի նախաքննությունը շարունակվում է։