Դատարանը Վահրամ Սահակյանի նկատմամբ վարչական վերահսկողություն է սահմանել

Դատարանը թատերագետ, կինոռեժիսոր Վահրամ Սահակյանի նկատմամբ վարչական վերահսկողություն է սահմանել։ Այս մասին հայտնում է փաստաբան Ռուբեն Մելիքյանը։

Մելիքյանի փոխանցմամբ՝ Սահակյանին նաև արգելվել է գրառումներ կատարել սոցիալական ցանցերում։ Բացառություն կարող են կազմել միայն մասնագիտական բնույթի գրառումները՝ հաշվի առնելով Սահակյանի գործունեությունը։

Ավելի վաղ Քննչական կոմիտեից հայտնել էին, որ Սահակյանը ձերբակալվել է ատելություն պարունակող ֆեյսբուքյան գրառում կատարելու մեղադրանքով։

Ըստ ՔԿ-ի՝ խոսքը 2025-ի հունվարի 8-ին Սահակյանի ֆեյսբուքյան էջում կատարված հրապարակման մասին է։ Կոմիտեի հաղորդմամբ՝ հրապարակումն ուղղված է եղել ատելություն, անհանդուրժողականություն և թշնամանք հրահրելուն ու քարոզելուն։

ՔԿ-ից հայտնել են նաև, որ 2026-ի սեպտեմբերի 1-ին ստացված փորձաքննության եզրակացությամբ հաստատվել է, որ հրապարակումը պարունակում է ատելություն։