Ադրբեջանի և Իրանի ԱԳ նախարարները քննարկել են տարածաշրջանային անվտանգությունը

Ադրբեջանի և Իրանի արտգործնախարարներ Ջեյհուն Բայրամովը և Աբբաս Արաղչին հեռախոսազրույց են ունեցել։ Այս մասին հայտնում է ադրբեջանական կողմը։

Ըստ հաղորդագրության՝ նախարարները քննարկել են Ադրբեջանի և Իրանի հարաբերությունների ներկա վիճակն ու զարգացման հեռանկարները։

Կողմերը մտքեր են փոխանակել տարածաշրջանում առկա իրավիճակի և անվտանգության հարցերի շուրջ։ Հաղորդագրության համաձայն՝ նախարարները կարևորել են տարածաշրջանային խաղաղության, կայունության և անվտանգության ապահովումը, փոխադարձ վստահության ամրապնդումն ու տարածաշրջանային համագործակցության հնարավորությունների ընդլայնումը։