2027-ի հունվարի 1-ից առևտրի էլեկտրոնային հարթակները պարտավոր կլինեն ամեն ամիս Հայաստանի հարկային մարմնին տվյալներ փոխանցել դեպի ԵՏՄ երկրներ վաճառված ապրանքների մասին: Համապատասխան որոշումն ընդունվել է կառավարության հոկտեմբերի 8-ի նիստում։
Կառավարության որոշման նախագծով սահմանվում են հարթակների շահագործողների կողմից տվյալների ներկայացման կարգը, ժամկետները և փոխանցվող տեղեկատվության շրջանակը, ինչն անհրաժեշտ է ԵՏՄ արտահանված ապրանքների մասով ԱԱՀ-ի 0 տոկոս դրույքաչափը հիմնավորելու համար:
Ըստ փաստաթղթի՝ հարթակ շահագործողը պարտավոր է յուրաքանչյուր ամսվա համար՝ մինչև հաջորդող ամսվա 20-ը ներառյալ, էլեկտրոնային համակարգով հարկային մարմին փոխանցել տվյալներ վաճառված, վերադարձված կամ մերժված ապրանքների, մատակարար ընկերության և առկա փաստաթղթերի վերաբերյալ:
Տեղեկատվությունում սխալներ հայտնաբերելու դեպքում հարթակը կարող է ներկայացնել ճշտված տվյալներ, որոնք հարկային մարմինը մեկ աշխատանքային օրվա ընթացքում հասանելի կդարձնի տվյալ հարկ վճարողի անձնական էջում:
Պատմություններ
