Հայաստանի և Թուրքիայի նախարարները Երևանում քննարկել են ուղիղ առևտրի հնարավորությունները

Հայաստանի էկոնոմիկայի նախարար Գևորգ Պապոյանն ու Թուրքիայի գյուղատնտեսության նախարար Իբրահիմ Յումաքլըն Երևանում քննարկվել են Հայաստանի և Թուրքիայի միջև ուղիղ առևտրի հաստատման արդյունքում բացվող հնարավորությունները, հայտնում են էկոնոմիկայի նախարարությունից։

Հոկտեմբերի 16-ին ՄԱԿ-ի Կենսաբանական բազմազանության մասին կոնվենցիայի կողմերի 17-րդ համաժողովի (COP17) շրջանակում հանդիպման ընթացքում կողմերն անդրադարձել են սանիտարական և անասնաբուժական հսկողության ենթակա ապրանքների փոխադրման և տարանցման հետ կապված ընթացակարգերին։

Մտքեր են փոխանակվել երկուստեք հետաքրքրություն ներկայացնող, տնտեսական օրակարգին առնչվող մի շարք այլ հարցերի վերաբերյալ։