Լեոնարդո Դի Կապրիոն ողջունել է Հայաստանի և Կոլումբիայի նախաձեռնությունը

Հոլիվուդյան աստղ և բնապահպան Լեոնարդո Դի Կապրիոն ողջունել է վտանգված տեսակների վերականգնմանն ուղղված նոր նախաձեռնությունները, որոնք հայտարարվել են Երևանում անցկացվող ՄԱԿ-ի Կենսաբազմազանության համաժողովում (COP17)։

Instagram-ում դերասանը նշել է, որ այլևս բավական չէ միայն կանխել տեսակների անհետացումը. պետք է դրանք «վերադարձնել կործանման եզրից» ու վերականգնել դրանց թվաքանակը։

Դի Կապրիոյի փոխանցմամբ՝ Հայաստանի և Կոլումբիայի գլխավորությամբ 17 երկիր միացել է նոր կոալիցիային՝ CARES-ին (Վտանգված տեսակների վերականգնման գործողությունների կոալիցիա), որը պարտավորվել է արագացնել անհետացումը կանխելու ջանքերը։

Դրան զուգահեռ՝ ինը բարեգործական հիմնադրամ և կազմակերպություն, ստեղծել են Species Recovery Alliance-ը և պարտավորվել առաջիկա հինգ տարում ավելի քան 500 միլիոն դոլար ուղղել աշխարհում վտանգված տեսակների վերականգնմանը։