ԱՄՆ նախագահ Դոնալդ Թրամփը Ֆրանսիայում զանգվածային անկարգությունների համար մեղադրել է ներգաղթյալներին՝ երկրի իշխանություններին կոչ անելով անհապաղ փակել սահմանները։
«Ֆրանսիան այրվում է։ Միանգամայն այլ աշխարհից եկած մարդիկ, որոնց սրտերը լի են ատելությամբ, կործանել են երբեմնի այս մեծ երկիրը։ Փակե՛ք սահմանները և վերահսկողության տակ վերցրե՛ք իրավիճակը, քանի դեռ ուշ չէ»,- գրել է Թրամփը Truth Social սոցիալական ցանցում։
Ֆրանսիայում հոկտեմբերի 18-ին կյանքի թանկացման և հանրային ծառայությունների վիճակի վատթարացման դեմ զանգվածային բողոքի ցույցերն ուղեկցվել են բռնություններով։ Երկրի տարբեր քաղաքներում ցուցարարների և ոստիկանության միջև բախումներ են տեղի ունեցել։ Ըստ հաղորդվող տվյալների՝ ձերբակալվել է շուրջ 2000 մարդ, վիրավորվել՝ ավելի քան 500 իրավապահ։
Ֆրանսիայում բողոքի ցույցերը սկսվել են սեպտեմբերի կեսերին՝ Փարիզի արվարձաններից մեկում։ Սկզբում դպրոցականներն ու ուսուցիչները բողոքում էին կրթության անբավարար ֆինանսավորման, ուսուցիչների պակասի և դպրոցներում վատ պայմանների դեմ։ Հետագայում շարժումը տարածվել է ամբողջ երկրում, իսկ կրթական խնդիրներին ավելացել են կյանքի թանկացման և սոցիալական անհավասարության վերաբերյալ դժգոհությունները։
Պատմություններ
