Երևանի ավտոբուսներից մեկում կնոջը վիրավորելու և նվաստացնելու դեպքի առնչությամբ ձերբակալվել է նաև միջադեպը տեսանկարահանած կինը։ Այս մասին հայտնում են ՆԳՆ-ից։
ՆԳՆ համայնքային ոստիկանության ծառայողները կնոջը ձերբակալել են խուլիգանություն կատարելու կասկածանքով։ Նա կներկայացվի նախաքննական մարմին։
Ավելի վաղ՝ հոկտեմբերի 20-ի առավոտյան, նույն միջադեպի առնչությամբ ձերբակալվել էր նաև տեսանյութում երևացող տղամարդը։ Քննչական կոմիտեի մամուլի խոսնակ Կիմա Ավդալյանը հայտնել էր, որ ավտոբուսում կնոջը վիրավորելու և նվաստացնելու դեպքի առթիվ նախաձեռնվել է քրեական վարույթ։
Հոկտեմբերի 19-ին համացանցում տարածված տեսանյութում երևում է, թե ինչպես է տղամարդը ավտոբուսում վիրավորական արտահայտություններ անում կողքին նստած կնոջ հասցեին։ Ուղևորներից մեկը փորձել է միջամտել, ինչից հետո վիճաբանություն է սկսվել։
Պատմություններ
