Վարազդատ Լալայանը՝ աշխարհի առաջնության բրոնզե մեդալակիր

Հայ ծանրորդ Վարազդատ Լալայանը Չինաստանի Նինբո քաղաքում ընթացող ծանրամարտի աշխարհի առաջնությունում բրոնզե մեդալ է նվաճել։

Գերծանր քաշային կարգում (+110 կգ) Լալայանը երկամարտում գրանցել է 457 կգ արդյունք՝ պոկում վարժությունում բարձրացնելով 210 կգ, իսկ հրումում՝ 247 կգ։

Օլիմպիական խաղերի փոխչեմպիոն, աշխարհի կրկնակի և Եվրոպայի եռակի չեմպիոն Լալայանը պոկում վարժությունում նաև փոքր արծաթե մեդալ է նվաճել։

Լալայանի բրոնզը Հայաստանի հավաքականի միակ մեդալն է երկամարտում։ Ավելի վաղ Ալեքսանդրա Գրիգորյանը (57 կգ) հրում վարժությունում նվաճել էր փոքր բրոնզե մեդալ՝ երկամարտում զբաղեցնելով չորրորդ տեղը։