«Վերջնական և անշրջելի խաղաղության ճանապարհին հիմա մենք մի խոչընդոտ ունենք, և այդ խոչընդոտը խորհրդարանական ընդդիմությունն է»,- հայտարարել է արել վարչապետ Նիկոլ Փաշինյանը Ազգային ժողովում Կառավարության հետ հարցուպատասխանի ժամանակ:
«Կա՛մ մենք հանրային ճնշում ենք գեներացնում, և ընդդիմությունը հրաժարվում է խաղաղության խոչընդոտի դերակատարումից, կա՛մ քաղաքական պրոցեսները տանում ենք էն ուղղությամբ, որ ընդդիմության էս հատվածն ուղղակի չի լինում խորհրդարանում։ Մնացածն արդեն տեխնիկայի հարց է»,- նշել է նա։
Փաշինյանը վստահություն է հայտնել, որ իշխանությունն ունի բավարար վճռականություն և կամք՝ այդ ճանապարհով գնալու, և որ ժողովուրդը հանրաքվեին կմասնակցի ու ճնշող մեծամասնությամբ կողմ կքվեարկի նոր սահմանադրությանը։












