Գլխավոր Լրահոս

Թուրքիայում կլիմայական գագաթնաժողովը փակուղի է մտել

Թուրքիայում կլիմայական գագաթնաժողովը փակուղի է մտել

Թուրքիայի Անթալիա քաղաքում ընթացող COP31 կլիմայական գագաթնաժողովի մասնակիցները չեն կարողանում համաձայնության գալ եզրափակիչ հռչակագրի շուրջ։ Բանակցությունները շարունակվում են գագաթնաժողովի նախատեսված ավարտից մեկ օր անց, հաղորդում է BBC-ն։

Հիմնական վեճը հանածո վառելիքի շուրջ է։ Ուրբաթ Ֆրանսիայի և Պանամայի գլխավորած երկրների խումբն առարկել է հռչակագրի նախագծի դեմ։ Նախագծում նավթի, գազի և քարածխի սպառումը կրճատելու մասին որևէ դրույթ չկա։ BBC-ի տվյալներով՝ այդ դրույթները տեքստից հանվել են Սաուդյան Արաբիայի և վառելիք արտահանող այլ երկրների պնդմամբ։ Ֆրանսիային և Պանամային միացել են կղզի պետությունները, ինչպես նաև Իսպանիան, Բելգիան, Շվեդիան ու Ֆինլանդիան։

«Անթույլատրելի է, որ COP-ը ստորագրի որոշում, որտեղ հանածո վառելիքը նույնիսկ չի հիշատակվում»,- ասել է Պանամայի շրջակա միջավայրի նախարար Խուան Կառլոս Նավառոն։

Երկրորդ վիճելի հարցը կլիմայի փոփոխության հետևանքներին հարմարվելու ֆինանսավորումն է։ Աֆրիկյան երկրների խումբը պահանջում է նոր ֆինանսական պարտավորություններ, որոնց Եվրամիությունը դեմ է։ Նախագծի նախորդ տարբերակներում նախատեսված էր մինչև 2035-ը այս ֆինանսավորումը հասցնել 120 մլրդ դոլարի։ Այդ կետն այժմ հանված է։

Ըստ BBC-ի՝ եզրափակիչ փաստաթուղթն առաջին անգամ ընդունում է, որ գլոբալ տաքացումը 1.5°C-ից ցածր պահելու նպատակը ձախողվել է։

Շատ պատվիրակություններ իրենց թռիչքները կիրակիից տեղափոխել են երկուշաբթի։ BBC-ն նշում է, որ եթե մասնակիցների մի մասը մեկնի, համաձայնագիր ընդունելու համար քվորում կարող է չլինել։ Այդ դեպքում գագաթնաժողովը կավարտվի առանց համաձայնագրի։

Հետևեք մեզ Telegram-ում Telegram

Կարդալ ավելին

Տեղեկագիր

Բաժանորդագրվեք մեր տեղեկագրին և առաջինը ստացեք մեր շաբաթական ամփոփումները

Բաժանորդագրվելով Դուք տալիս եք համաձայնություն մեր համար։

EFCSNIFCNJTI

ՍիվիլՆեթն արգելում է օգտագործել իր հոդվածներն ու լուսանկարներն առանց պատշաճ հղման, ներբեռնել և առցանց այլ հարթակներում վերբեռնել իր պատրաստած և տարբերանշանը կրող տեսանյութերը։ ՍիվիլՆեթի տեսանյութերի մասնակի օգտագործումը կարող է լինել միայն ՍիվիլՆեթի գիտությամբ և համաձայնությամբ։

FacebookLogoInstagramLogoTiktokLogoTwitterLogoTelegramLogoYoutubeLogoMailLogo

Արդենի պողոտա 315, գրասենյակ 30 Գլենդել, Կալիֆոռնիա 91203

+1(818)749-450 [email protected]

Հյուսիսային պողոտա 1, գրասենյակ 30 Երևան 0010, Հայաստան

+374(10)500-119

CIVILNET © 2011-2026։ Բոլոր իրավունքները պաշտպանված են։

Մշակված է՝ -ում