Civilnet
Ռուսաստանը պահանջում է, որպեսզի ՄԱԿ-ի դիտորդներին թույլատրվի մասնակցել Սիրիայի կառավարական ուժերի կողմից քիմիական զենքի կիրառման դեպքի հետաքննությանը, հաղորդում է BBC-ն:
Ավելի վաղ սիրիական ընդդիմությունը հայտարարել էր, որ Դամասկոսի Ղուտա թաղամասի մերձակայքում կառավարական ուժերը քիմիական զենք են կիրառել:
Սիրիայի կառավարական խորհրդականներից մեկի խոսքով՝ դիտորդների խումբը կարող է հետաքննության վայր ժամանել միայն իշխանությունների թույլտվությամբ: Բասամ Աբու Աբդուլլահը BBC-ին ասել է, որ հարձակման ենթադրյալ վայրը չի մտնում ՄԱԿ-ի և Դամասկոսի համաձայնեցրած ցանկի մեջ: Աբդուլլահը նաև կարծում է, որ հարձակման համար պատասխանատվություն է կրում ահաբեկչական խմբավորումը, որն այս կերպ մտադիր էր կանխել կառավարական ռազմական գործողությունները:
ՄԱԿ-ի գլխավոր քարտուղար Բան Կի Մունը Սիրիա է գործուղել բարձրաստիճան դիվանագետ Անջելա Քեյնին, որը պետք է բանակցի հետաքննության անցկացման հարցի շուրջ:
Միավորված ազգերի կազմակերպությունն ավելի վաղ իր մտահոգությունն էր հայտնել Սիրիայում քիմիական զենքի կիրառման առթիվ:
Պատմություններ
