Civilnet
Բաշար ալ-Ասադի իշխանության տապալումից հետո Սիրիայում անցկացվել են առաջին խորհրդարանական ընտրությունները։
Ընտրություններում պատգամավորների մեծ մասը՝ մոտ երկու երրորդը, ընտրվել են ընտրական քոլեջների միջոցով։ Մնացած պատգամավորներին նշանակել է ժամանակավոր ղեկավար Ահմեդ ալ-Շարան։
Պետական լրատվամիջոցները հայտնում են, որ մի շարք շրջաններում քվեարկությունն ավարտվել է, և քվեների հաշվարկն արդեն սկսվել է։ Հաղթողների անունները կհայտարարվեն մամուլի ասուլիսի ժամանակ։
Իրավապաշտպան խմբերը քննադատել են ընտրությունները՝ ասելով, որ դրանք ազատ և արդար չեն։ Նրանց խոսքով՝ այս համակարգը իշխանությունը պահում է կառավարության ձեռքում և չի ապահովում իրական ժողովրդավարություն։
Որոշ շրջաններում դրանք հետաձգվել են՝ անվտանգային խնդիրների և բնակչության տեղահանման պատճառով։
Նոր խորհրդարանն առաջիկայում պետք է աշխատի նոր օրենքների և սահմանադրական բարեփոխումների վրա՝ քաղաքական անցման գործընթացի շրջանակում։
Պատմություններ
