Civilnet
Բրիտանական ռազմածովային նավատորմը առաջիկա օրերին պատրաստ կլինի միանալ ամերիկյան նավատորմին այն դեպքում, եթե Սիրիայում Բաշար Ասադի վարչակարգի դեմ ռազմական գործողություններ սկսվեն, հաղորդում է Telegraph-ը՝ հղում անելով կառավարական իր աղբյուրներին:
Ակնկալվում է, որ օպերացիան կկրի թևավոր հրթիռներով կետային հարվածների բնույթ: Թիրախների ցանկը ներկայում հստակեցնում են երկու պետությունների զինվորական հրամանատարությունները: Ուժային հարվածի համար պաշտոնապես առիթ է հանդիսացել քաղաքիական բնակչության դեմ քիմիական զենքի կիրառումը:
Ըստ պարբերականի՝ բրիտանական ղեկավարության բանակցությունները օտարերկրյա երկրների, այդ թվում՝ ԱՄՆ-ի հետ, կշարունակվեն, սակայն ուժի կիրառման մասին հրամանը կարող է ստացվել հաջորդ շաբաթվա ընթացքում:
Ավելի վաղ բրիտանացի արտգործնախարարը հանդես էր եկել սիրիական կառավարությանը նախազգուշացնող հայտարարությամբ՝ ասելով, որ Լոնդոնը, Վաշինգտոնն ու նրանց դաշնակիցները Դամասկոսին թույլ չեն տա սիրիացի ժողովրդի դեմ քիմիական զենք կիրառել:
Սիրիայում իրավիճակի հերթական սրումը տեղի է ունեցել օգոստոսի 21-ին, երբ մի շարք լրատվամիջոցներ հաղորդեցին սիրիական զորքերի կողմից Դամասկոսի արվարձաններում քիմիական զենքի մասշտաբային կիրառման մասին:
Պատմություններ
