Civilnet
ԱՄՆ Պետդեպարտամենտը հետաձգել է Սիրիայի հարցով համաժողովի նախապատրաստմանն ուղղված դիվանագիտական հանդիպումը, որը պետք է կայանար օգոստոսի 28-ին Հաագայում, հաղորդում է BBC-ն:
Պետդեպի ներկայացուցչի խոսքով՝ հանդիպումը հետաձգվել է Սիրիայում քիմիական զենքի կիրառմանը ադեկվատ կերպով արձագանքելու հարցով շարունակական խորհրդակցությունների պատճառով:
Բանակցություններին պետք է կայանար քաղաքական հարցերով ԱՄՆ պետքարտուղարի տեղակալ Վենդի Շերմանի ու Սիրիայում ԱՄՆ-ի դեսպան Ռոբերտ Ֆորդի և Ռուսաստանի փոխարտգործնախարարներ Միխայիլ Բոգդանովի ու Գենադի Գատիլովի միջև:
«Մենք աշխատելու ենք ռուսաստանցի մեր գործընկերների հետ հանդիպման նոր ժամկետ նշանակելու ուղղությամբ», - Reuters-ը մեջբերում է Պետդեպի ներկայացուցչի խոսքերը:
Ի պատասխան Պետդեպի հայտարարության՝ Ռուսաստանի արտգործնախարարի տեղակալ Գենադի Գատիլովը Թվիթերի իր միկրոբլոգում ափսոսանք է հայտնել հանդիպման հետաձգման առթիվ:
«Մեր ափսոսանքն ենք հայտնում այն առթիվ, որ մեր գործընկերները որոշել են հետաձգել Ռուսաստան-ԱՄՆ երկկողմ հանդիպումը: Սիրիայում քաղաքական կարգավորման ուղիների մշակումը հենց այս պահին էր կարևոր, երբ այդ երկրի վրա կախված է ուժային պատասխանի սպառնալիքը», - գրել է Գատիլովը:
Պատմություններ
