Civilnet
Եթե ԱՄՆ նախագահ Բարաք Օբամայից Սիրիայում ռազմական գործողություններ սկսելու վերաբերյալ հրաման ստացվի, զինված ուժերը պատրաստ կլինեն այն կատարել, BBC-ի հետ զրույցում ասել է ԱՄՆ պաշտպանության նախարար Չակ Հեյգելը:
Նախարարի խոսքով՝ Պենտագոնը նախագահին առաջարկել է «հնարավոր բոլոր պայմաններում գործողությունների տարբերակներ», և նախագահը դրանք տեսել է:
Հեյգելը վստահ է, որ փաստերը, որոնք ներկայում հավաքում են ՄԱԿ-ի տեսուչները, անպայմանորեն կապացուցեն, որ անցյալ շաբաթ Սիրիայում տեղի ունեցած քիմիական գրոհի հետևում կանգնած է սիրիական կառավարությունը:
«Կարծում եմ՝ ակնհայտ է, որ Սիրիայի ժողովրդի դեմ քիմիական զենք է կիրառվել», - ասել է Հեյգելը:
Գերտերությունների ղեկավարները չեն կարող հայտարարի գալ Սիրիայում քիմիական զենքի կիրառման և պատասխան հարված տալու հարցում: ԱՄՆ և նրա դաշնակիցները դիտարկում են Սիրիային հարվածելու տարբերակը: Ռուսաստանն ու Չինաստանը դեմ են դրան՝ պնդելով, որ քիմիական զենքի կիրառման ուղղակի ապացույցներ չկան, և որ «Սիրիայում ռազմական միջամտությունը աղետալի հետևանքներ կունենա տարածաշրջանի համար»:
Պատմություններ
