Սիրիացի ապստամբները Ազազում պայմանավորվել են դադարեցնել կրակը

Սիրիայում ապստամբական երկու խմբավորումներ, որ միմյանց դեմ մարտնչում էին հյուսիսային Ազազ քաղաքում, պայմանավորվել են կրակի դադարեցման շուրջ, հաղորդում է BBC-ն։

«Ալ Կաիդայի» հետ կապեր ունեցող «Իրաքի և Շամի իսլամական պետություն» խմբավորումը քաղաքը գրավել էր սեպտեմբերի 18-ին՝ հետ մղելով ընդդիմադիր Սիրիայի ազատ բանակին, որը վայելում է Արևմուտքի աջակցությունը։

BBC-ի թղթակիցը թուրք-սիրիական սահմանից հաղորդում է, որ խմբավորումները պայմանավորվել են փոխանակել գերիներին և վերադարձնել սեփականությունը։

Նրանք նաև համաձայնում են քաղաքի շարիաթական դատարանի ընդունած որոշումներին։