Civilnet
Սփյուռքի նախարարությունը, կրթության և գիտության նախարարությունը, Հայկական բարեգործական ընդհանուր միությունը և «Գալուստ Կյուլպենկյան» հիմնարկությունը համատեղ հայտարարում են Հայաստանի բարձրագույն և միջին մասնագիտական ուսումնական հաստատություններում սովորող սիրիահայ ուսանողների 2013-2014 ուսումնական տարվա վարձավճարների փոխհատուցման ծրագրի մեկնարկը` Սիրիայում ծավալված իրադարձությունների հետևանքով Հայաստան ժամանած սիրիահայերի աջակցության ծրագրերի շրջանակում:
Ինչպես հաղորդում են սփյուռքի նախարարության մամուլի ծառայությունից, համաձայն այդ ծրագրի` Հայկական բարեգործական ընդհանուր միությունը, «Գալուստ Կյուլպենկյան» հիմնարկությունը և ՀՀ կառավարությունը կփոխհատուցեն 2013-2014 տարեշրջանի ուսման վարձավճարները՝ յուրաքանչյուրը մինչև 1/3-ի չափով:
Ծրագրի իրականացման նպատակով կազմվել է միացյալ հանձնախումբ, որն արդեն սկսել է սիրիահայ ուսանողների դիմումնագրերի ուսումնասիրման աշխատանքները: Հանձնախումը կգործի Հայկական բարեգործական ընդհանուր միության Հայաստանի ներկայացուցչությունում:
Պատմություններ
