Civilnet
Սիրիայից ստացվող տեղեկությունների համաձայն` ծովափնյա Լաթաքիա քաղաքի մոտ` սիրիական բանակի ռազմաբազայում, հզոր պայթյուն է որոտացել:
Ինչպես հաղորդում է BBC-ն, վկայակոչելով սիրիական լրատվամիջոցները, ռազմաբազան հարձակման է ենթարկվել Իսրայելի ավիացիայի կողմից: Այս տեղեկատվությունը, սակայն, հաստատված չէ:
Ենթադրվում է, որ հարձակման թիրախ են եղել Ռուսաստանում արտադրված հրթիռային սարքավորումները:
Համարվում է, որ այս նույն բազան Իսրայելի ռազմաօդային ուժերի հարձակման թիրախ էր դարձել նաև հուլիսին:
Իսրայելի իշխանությունները մտավախություն ունեն, որ սիրիական զենքը կարող է հայտնվել լիբանանյան «Հեզբոլլահ» խմբավորման զինյալների ձեռքում:
Պատմություններ
