Civilnet
ԱՄՆ պետդեպարտամենտը Սիրիայի նախագահ Բաշար Ասադին համարում է բռնապետ, որը մասնակից է խաղաղ քաղաքացիների սպանության մեջ և չի տեսնում նրան Սիրիայի ապագայում: Ինչպես հաղորդում է Reuters-ը, այս մասին լրագրողների հետ զրույցում հայտարարել է ԱՄՆ պետդեպարտամենտի ներկայացուցիչ Ջեն Պսակին` ի պատասխան լրագրողների խնդրանքին՝ մեկնաբանել Ասադի անվտանգության երաշխիքների վերաբերյալ Ռուսաստանի վարչապետ Դմիտրի Մեդվեդևի հայտարարությունը:
«Մեր նպատակը ոչ թե յուրաքանչյուր հայտարարությանն արձագանքելն է, այլ` «Ժնև 2» կոնֆերանսի անցկացմանը պատրաստվելը: Ինչ վերաբերում է Ասադին, ապա մեր դիրքորոշումը չի փոխվել. նա բռնապետ է, որը սպանել է ավելի քան 100 հազ. մարդու, և նա տեղ չունի Սիրիայի ապագայում»,- ասել է Պսակին:
Ավելի վաղ Մեդվեդևը հայտարարել էր, որ Սիրիայի նախագահին երկրի ապագայի մասին բանակցություններից բացառելու մասին առաջարկն իրատեսական չէ, և դրա փոխարեն անհրաժեշտ է քննարկել նրան անվտանգության երաշխիքներ տրամադրելու հնարավորոթյունը:
Պատմություններ
