CivilnetՀայաստանի Ազգային ժողովի պատգամավորներ Արման Սահակյանը, Սամվել Ֆարմանյանը, Թևան Պողոսյանը, Էդմոն Մարուքյանը, Նաիրա Կարապետյանն ու Լևոն Մարտիրոսյանը մարտի 26-ին մեկնել են Սիրիա և Լաթաքիայի Սուրբ Ասվածածին եկեղեցում հանդիպել են այնտեղ հանգրվանած քեսապահայերի հետ:
Դամասկոսից Լաթաքիա պատգամավորներին ուղեկցել է Սիրիայում Հայաստանի դեսպան Արշակ Փոլադյանը:
«Ես հիմա գտնվում եմ Լաթաքիայի հայկական եկեղեցում, որտեղ ապաստան են գտել Քեսապից տեղահանված հայ ընտանիքները: Մի բան կարող եմ ասել՝ քեսապցի հայ տղամարդիկ իսկական հերոսներ են»,- ֆեյսբուքյան իր էջում գրել է Հայաստանի Ազգային ժողովի պատգամավոր Արման Սահակյանը:
Մարտի 21-ի առավոտյան սիրիացի ապստամբների զինված խմբավորումները Թուրքիայի կողմից անցել էին սիրիական սահմանը և հարձակվել Քեսապի հայաբնակ շրջանի ու շրջակա գյուղերի վրա: Մարտի 22-ի երեկոյան Քեսապի գյուղերի բնակչությունն ամբողջությամբ արդեն տարհանվել էր Լաթաքիա:
Լուսանկարը՝ Արման Սահակյանի ֆեյսբուքյան էջից:
Պատմություններ
